Laboro, laboro, laboro

Mia kurhobio estas nun iom paŭzita pro miaj laboroj. Mi laboras nuntempe multe pli regule ol
antaŭe, do mi ne havas tiom da tempo por kurado. Sed... Mia laboro estas ankoraŭ tre fizika kaj
mi ankoraŭ ŝvitas kiel (eta) porko dum laborado. Do feliĉe la laboro estas ia sportado en ĉi 
kazo.
Mi faras multon da diferencaj ripetadaj movoj kaj marŝadas multe dum la labortago. Mi certe ne
forlasos mian kurhobion, sed mi devas nur kurhobii malpli ol antaŭe.

Movu vin!

Jes. Mi ekis sporti regule.

'Sporti' en ĉi kazo signifas rapidan marŝadon kaj malrapidan kuradon. En estonto mi celos ankaŭ
viziti gimnastikejon kaj eki naĝadon. Cetere, mi ankaŭ regule biciklas, do mi ne estas tute
sensportulo.

Ĉar ĉi tiu blogo tre silentis, mi elpensis ke ĝi iĝus bona loko por reta ekzerctaglibro, ĉu ne?
Do, mi ekas nun skribi ĉi tien kelkaj detaloj pri miaj kur- aŭ marŝvojaĝetoj; ĉefe la tempon uzatan, mian averaĝan pulson kaj pli vane la muzikon aŭskultitan. Kompreneble, ĉio ĉi estas nur por mi kaj utilas nur min. Sed, se iu ajn trovas ĉi blogon amuza aŭ eĉ enua, tio al mi sole plaĉus.