telsu

Simpla Baŝ-skripto por vidi kion (la suoma) televidilo montras ĉi-momente. Datumoj akiritaj el http://www.telkku.com. Havigu la skripton ĉi tie.

doze - alarmilo kaj sonludilo

Ĉi tiu Baŝ-skripto ludas vian muzikon en hazarda ordo aŭ tuj aŭ post kelka tempo. Unue - se vi ne havas ludliston - ĝi kreas tian serĉante vian muzikokolektadon. Tajpi:

$ doze

por aŭskulti ĉion da via muziko.

$ doze 60

por atendi unu horon kaj tiam komenci aŭskultadon. Tiel vi povas uzi la skripton kiel vekhorloĝon aŭ memorigilon.

Vi povas elŝuti la skripton ĉi tie. Vi devas redakti la variablon PLAYLIST en la skripto. Kreu dosierujon ~/playlists (aŭ redaktu la skripton laŭvole) kaj korektu la vojon al via muzikdosierujon.

Simpla vortaro por Linuksuloj

Por krei tre simplan Eo - alia lingvo - Eo -vortaron en Linuksa operaciumo uzante komandlinia interfaco, vi havas multajn bonajn kaj efikajn ilojn sub liaj manoj. Unu el tiuj estas la komando grep. Ekzemple, mi kopiis la tutan tekston el unu de multaj Eo - angla vortarpaĝoj en reto: Esperanto - English Dictionary kaj algluis ĝin en tekstan dosieron. Ĉi tiun tekstdosieron mi konservis kun nomo eodict.txt. Transloku ĝin ien kien vi ĝin volas. En tiu ĉi ekzemplo ĝi lokas en /home/viauzantnomo/misc/util/ dosierujo.

Nun vi devas krei Baŝ-skripton en kiu oni serĉas tra eodict.txt. La enhavo de skripto estas:

#!/bin/bash

egrep "$1" /home/viauzantnomo/misc/util/eodict.txt

Konservu la skripton per nomo Eo kaj transloku ĝin ekzemple en via ~/bin se vi havas tian dosierujon. Ne forgesu ŝanĝi la permesojn de dosiero

$ chmod 755 Eo

por ke ĝi iĝu ekzekutabla.

Se vi ne havas ~/bin/ en via $PATH variablo, vi devas aldoni en vian ~/.bashrc

export PATH="$PATH:~/bin"

kaj "fonti" (source) na ~/.bashrc per komando

$ . ~/.bashrc

Nun vi povas uzi vian novan vortaron per sekvanta maniero:

$ Eo vorto-kiun-vi-serĉas
$ Eo word-you-are-looking-for

Vi povas ankaŭ uzi regulesprimojn en via serĉo. Por serĉi nur Esperantajn vortojn (t.e. vortojn kiuj lokas ĉe komenco de linio):

$ Eo ^vorto

Aŭ ŝajnigi nur ĉiuj prefiksoj:

$ Eo ".*- "

Kaj tiel plu.